服務條款
更新日期：2026 年 10 月 12 日
範圍同付款
每個訂閱涵蓋一個產品，按品牌同業務流程定制，已確認範圍嘅初次開發唔另收開發費。版本化建議書列明功能、設計、頁面、語言、資料量、外部連接、交付清單、排除項目、用量限制、付款週期、費用、排期同驗收條件。負責人確認後先開帳單，核實付款後先開發。上載付款證明唔等於繳清。大型功能同複雜整合會另作 Enterprise 報價。
訂閱同承諾期
付費訂閱由首次核實付款開始有 12 個月承諾期。現行收費：Basic HK$188/月 (12 個月合計 HK$2,256); 年繳 HK$1,888 · Pro HK$288/月 (12 個月合計 HK$3,456); 年繳 HK$2,888 · Premium HK$358/月 (12 個月合計 HK$4,296)。Basic 同 Pro 可選年繳，Premium 只設月繳。年繳須一次支付 12 個月訂閱費。以上係基本訂閱費，第三方費用另計。已批准嘅現有合約會保留約定價格同額度，直至雙方批准更改。Enterprise 另行報價。
設計、環境同維護
Basic 包基本品牌設計、正式環境同臨時驗收預覽。Pro 同 Premium 包按品牌及流程客製化嘅 UI/UX、正式及測試環境、數據分析同基本 SEO。所有付費方案包約定用量內託管、備份、安全更新同核實故障修正。網域、產品使用嘅 AI、訊息發送、支付處理同其他第三方服務另計。超出已確認範圍或用量嘅需求，會先評估同列明費用。
修改同驗收
Basic 整個產品服務期合共 2 次修改；Pro 每帳單月 2 次，Premium 3 次。每次修改以事先確認嘅一項具體成果計，多項要求放喺同一訊息唔會自動當一次。提交要求唔扣額度；負責人批准已審核範圍後先預留，明確驗收後先扣一次。初次開發同核實故障修正豁免。預留額跟原帳單月，其他未用月額到期失效。未開工取消會釋放預留額，已開工需要審核。Basic 唔因續約或重建同一產品而重設。年繳唔合併每月額度：Pro 仍由首次核實付款起，每個帳單月 2 次。冇回覆唔等於驗收。
續訂同取消
月繳訂閱完成承諾期後按月繼續。年繳續訂安排會喺服務協議列明，確認後先開新一年帳單，唔會自動轉做月繳。取消通知期、提早終止嘅結算方式同支援安排，以正式服務協議為準。逾期付款、暫停同取消由管理員審核，唔會自動停機、罰款或刪除資料。
上線同交接
正式上線需要明確驗收指定交付版本同範圍。完成承諾期並繳清帳單後，可按協議交接合資格程式碼同資料，唔包括密鑰、共用基建同其他客戶資料。交接範圍同支援安排會喺批准協議中列明。